Вывучаем родную мову разам!

Адным з галоўных дасягненняў у перыяд дашкольнага дзяцінства з’яўляецца авалоданне  роднай мовай. Першыя маўленчыя навыкі дзіця атрымлівае ў сям’і.  Дашкольнае выхаванне, з’яўляючыся першым звяном агульнай адукацыйнай сістэмы, закладвае асновы моўнай культуры асобы.

ВЕЛЬМІ ВАЖНА навучыць сённяшніх дзяцей з павагай ставіцца да беларускай мовы, а таксама бегла на ёй размаўляць. Наша ўстанова з’яўляецца беларускамоўнай, таму мы шмат увагi ўдзяляем развiццю менавіта беларускага маўлення дзяцей.

У кожнай групе  аформлены беларускі куток “Мая Радзіма – Беларусь”, папкі «Веска ў якой я жыву».

Вось і сённяшні чацвер не стаў выключэннем.  У группе “ Сонейка” прайшоў занятак “Беларускія пацешкі у малюнках”. Дзеткі гулялі ў беларускія гульні,  гучалі  забаўлянкі, песенькі, казкі, вершы. Якія цудоўныя сонейкі і хмаркі намалявалі нашы маленькія мастакі

Занятак прайшоў весела і цікава. Сваімі добрымі ўражаннямі і прыемным настроем дзеці падзяліліся са сваім выхавацелем                   Пашкавец Т.П.